Եվրո 2019. Հայաստանի Մ19 հավաքականը պարտվեց

Հայաստանի մինչև 19 տարեկանների հավաքականն ավարտեց ելույթները Եվրոպայի 2019 թվականի առաջնությունում։

Խմբային փուլի վերջին տուրում մերոնք մրցեցին Պորտուգալիայի հավաքականի հետ և մրցակցին զիջեցին 0:4 հաշվով:

Գոլերը խփեցին  Ֆերեյրան (34", 11մ.), Մարիուն (50') և  Գովեյան ( 67', 88'):

Օրվա մյուս խաղում Իսպանիայի Մ19 թիմը 2:1 հաշվով հաղթեց Իտալիայի Մ19 թիմին:

Եվրոպայի առաջնության A խմբում կիսաեզրափակչում պայքարը կշարունակեն Պորտուգալիայի ընտրանին, որը հավաքեց 7 միավոր և Իսպանիան, որը ևս ունի 7 միավոր: Այս խմբում երրորդն Իտալիան է 3 միավորով, իսկ Հայաստան միավոր չունի: