Կպաշտպանի՞ ԲԴԽ-ն դատական իշխանության անկախությունը. Ռուբեն Մելիքյան

Արցախի Մարդու իրավունքների նախկին պաշտպան Ռուբեն Մելիքյանը ֆեյսբուքյան իր էջում գրել է.

Ինչպես արդեն նշել եմ՝ դատավոր Դավիթ Գրիգորյանի նկատմամբ ցանկացած պետական միջամտություն պետք է դիտարկվի որպես ոտնձգություն դատարանի անկախության նկատմամբ՝ այնքան ժամանակ, քանի դեռ հանրությանը չեն ներկայացվել մանրամասն ու համոզիչ հիմնավորումներ։

Մանրամասն և համոզիչ հիմնավորումներ դեռ չեն ներկայացվել։ Ու չեն էլ ներկայացվելու, որովհետև ակնհայտորեն գործ ունենք իր որոշման համար դատավորին պատժելու՝ «նախաքննության գաղտնիքի» շղարշով քողարկված գործողության հետ։

Վաղը Բարձրագույն դատական խորհրդն արտահերթ նիստ է հրավիրել մեկ այլ հարցով։ Կպաշտպանի՞ ԲԴԽ-ն դատական իշխանության անկախությունը, կպաշտպանի՞ դատավորին, թե ոչ։ Պարզ կլինի վաղը։ Ես մինչ այդ համբերատար կսպասեմ։

ՀԳ. ԲԴԽ անդամներին կխնդրեի ծանոթանալ Լևիկ Պողոսյանի գործով Վճռաբեկի որոշմամբ արտահայտված իրավական դիրքորոշումներին։