Անհասկանալի թունավորումներ Ադրբեջանում. Երեխաների զանգվածային թունավորման դեպք է գրանցվել

Ադրբեջանի Լենքորանի շրջանի Դաշդաթյուք գյուղում երեխաների զանգվածային թունավորման դեպք է գրանցվել, հաղորդում է Report-ը:

Տեղեկատվության համաձայն, Լենքորանի կենտրոնական հիվանդանոցի ինֆեկցիոն բաժանմունք է տեղափոխվել 56 մարդ՝ թունավորում ախտորոշմամբ: Տուժածների բացարձակ մեծամասնությունը 3-12 տարեկան երեխաներ են:

Նախնական տեղեկություններով, զանգվածային թունավորման պատճառը եղել է գյուղում խմելու ջրի աղտոտվածությունը: