Փոխարժեք՝
476.3
$
535
7.61

Որքանո՞վ կբարձրանան պատգամավորների աշխատավարձերը

 

«Իմ քայլը» խմբակցության պատգամավոր Բաբկեն Թունյանը պետական պաշտոնյաների աշխատավարձերի մասին իր ֆեյսբուքյան էջում գրել է․ 

«Պետական պաշտոնյաների աշխատավարձը որոշվում է՝ ըստ բազային աշխատավարձի։ Օրինակ, ԱԺ պատգամավորը ստանում է բազային աշխատավարձի 10-ապատիկի չափ աշխատավարձ, նախարարները՝ 12-ապատիկի չափ։

Բազային աշխատավարձն էլ իր հերթին որոշվում է ըստ նվազագույն աշխատավարձի մեծության։ Այն պետք է լինի նվազագույն «կեղտոտ» (ներառյալ եկամտային հարկը) աշխատավարձի 80%-ից 120% միջակայքում։

 

Նվազագույն աշխատավարձը այսօր 55 հազար դրամ է։ Հարկերը ներառյալ՝ 71.4 հազար դրամ։ 
Բազային աշխատավարձը այդ գումարի 92.6%-ն է՝ 66 140 դրամ, ինչն էլ դրված է պետական բյուջեով աշխատավարձի ֆոնդի հաշվարկման հիմքում։

Հիմա ի՞նչ կլինի, եթե նվազագույն աշխատավարձը 55 հազարից դառնա 68 հազար դրամ և մնացածը մնա նույնը։
Նվազագույն աշխատավարձի մեծությունը կդառնա 81.8 հազար դրամ (ներառյալ եկամտային հարկը)։ 
Ըստ այդ, բազային աշխատավարձը պետք է լինի 75.7 հազար դրամ (81.8 հազարի 92.6%-ը)։ Ու ըստ այդ էլ պատգամավորը կստանա ոչ թե 661.4 հազար դրամ, այլ՝ 757 հազար դրամ։

Մենք չենք ուզում մեր աշխատավարձը բարձրացնել, ինչպես նաև մյուս բարձրաստիճան պետական պաշտոնյաներինը։ Մենք ուզում ենք, որ այն մարդիկ, ովքեր նվազագույն սպառողական զամբյուղից ցածր են ստանում, միայն իրենք օգտվեն։

Դրա համար 68 հազարը մեզ համար ընդունելի կլինի միայն այն դեպքում, երբ բազային աշխատավարձի չափը չի փոխվի։ Կարծում եմ՝ այս հարցում մեր և կառավարության մոտեցումները նույնն են»։ 

website by Sargssyan