Եթե պատերազմ եք ուզում, կարող է հանկարծ ստանաք այն. Տիգրան Ուրիխանյան

Պատգամավորական մանդատը վայր դրած ԲՀԿ-ական նախկին պատգամավոր Տիգրան Ուրիխանյանն իր ֆեյսբուքյան էջում գրել է.

«ԲՀԿ֊ ի պարբերաբար սայթաքելու պատճառը հենց այն է, որ որոշ լպրծուններ քծնանքով ու գործընկերներին վատաբանելով են միայն կարողանում իրենց տեղը պահպանել։ Խորհուրդ կտամ ոմանց, ովքեր այս ընթացքում, որպես իբր անանուն զրուցակից փորձում են ինձ պախարակել ու նյութեր պատվիրել, լավ մտածել։ Եթե պատերազմ եք ուզում, կարող է հանկարծ ստանաք այն ու այս անգամ Ծառուկյանն էլ չի փրկի ձեզ։ Սակայն հիշեք, որ ազնիվ մարդկանց կորցնելով, վատություն եք անում առաջին հերթին ձեր ղեկավարին»։