Ոստիկանները Աբովյանից մինչեւ Բալահովիտ հետապնդել են փախուստի դիմած վարորդին

Երեկ հունիսի 8-ին Աբովյան քաղաքում ուժեղացված ծառայություն իրականացրած ոստիկանության ծառայողները ժամը 19-ի սահմաններում նկատել են Օգոստոսի 23-ի փողոցով արագ երթևեկող "Հունդայի" մակնիշի ավտոմեքենա։ Այս մասին NEWS.am-ին հայտնում են ՀՀ ոստիկանության լրատվական ծառայությունից:

Մեքենայի վարորդը չի ենթարկվել ոստիկանության ծառայողների օրինական պահանջներին և մեքենայով դիմել է փախուստի՝ Աբովյանի Երևանյան փողոցում հարվածելով ճանապարհային ոստիկանության պարեկային մեքենային։ Բախումից հետո "Հունդայի" վարորդը շարունակել է փախուստը, ոստիկանության ծառայողներն էլ՝ հետապնդելը, նրան Բալահովիտ գյուղում բռնել ու բերման են ենթարկել ոստիկանության Կոտայքի բաժին։