Փոխարժեք՝
475.8
$
529
7.57

Արաբկիրի ոստիկանները հայտնաբերել են կրակոց արձակած երիտասարդին

 


 

Ոստիկանության Արաբկիրի բաժնում ահազանգ է ստացվել, որ այսօր հունիսի 12–ին ժամը 13։45–ին, Քեռու 67 հասցեում գործող հյուրանոցային համալիրի բակում վիճաբանություն է եղել եւ կրակոց է հնչել։

Դեպքի վայր մեկնած ոստիկանության Արաբկիրի բաժնի օպերատիվ խումբը տեղում իրականացրած հետախուզական միջոցառումների արդյունքում պարզել է, որ հյուրանոցային համալիրի տնօրենը բնակիչներից մեկին դիտողություն է արել մեքենան հյուրանոցի բակում վարելու համար, ինչից էլ սկսել է վեճը, որը վերածվել է ծեծկռտուքի։

Այդ ընթացքում մեքենան վարած տղամարդու որդին որսորդական հրացանով կրակոց է արձակել մյուս կողմի ուղղությամբ։

Արաբկիրի քրեական հետախույզները հայտնաբերել են երիտասարդին ու բերման ենթարկել բաժին։ Հրազենը եւս հայտնաբերվել եւ առգրավվել։

Դեպքի վայրի զննությամբ հայտնաբերվել է որսորդական հրացանի պարկուճ, որը նույնպես առգրավվել է։ Դեպքի առթիվ քրեական գործ է հարուցվել խուլիգանության հատկանիշներով, նշանակվել են փորձաքննություններ, հանգամանքները պարզվում են։

website by Sargssyan