Նիկոլ Փաշինյանը ժամանել է Նուր–Սուլթան (ֆոտո)

ՀՀ վարչապետ Նիկոլ Փաշինյանի գլխավորած պատվիրակությունը ժամանել է Ղազախստանի մայրաքաղաք Նուր–Սուլթան:

Հիշեցնենք, որ  Նիկոլ Փաշինյանը մայիսի 28-29-ը աշխատանքային այցով կգտնվի Նուր-Սուլթանում եւ կմասնակցի Եվրասիական տնտեսական բարձրագույն խորհրդի նիստին: Փաշինյանի այցի շրջանակում նախատեսվում են երկկողմ պաշտոնական հանդիպումներ:

ՀՀ վարչապետը կայցելի Ղազախստանում Հայաստանի դեսպանություն: Նախատեսվում է նաեւ Նիկոլ Փաշինյանի հանդիպումը տեղի հայ գործարար շրջանակների հետ:

Ավելի վաղ Փաշինյանն ասել էր, որ հունիսին պատրաստվում է երկու անգամ հանդիպել ՌԴ նախագահ Վլադիմիր Պուտինի հետ, առաջին անգամ` Ղազախստանում մայիսի 29–ին կայանալիք ԵԱՏՄ բարձրագույն տնտեսական խորհրդի գագաթնաժողովի ժամանակ, իսկ դրանից հետո մտադիր է մեկնել Սանկտ Պետերբուրգ, որտեղ միջազգային տնտեսական համաժողով կանցկացվի, եւ հույս ունի, որ այնտեղ կրկին կհանդիպի Ռուսաստանի առաջնորդին։