Արաբկիրում հեղեղատարը խցանվել է, անձրևաջուրը լցվել է բնակելի տուն

Հայաստանի ԱԻՆ-ում, ապրիլի 29-ին, ժամը 20:55-ին «911» ծառայությանն ահազանգ է ստացվել, որ Երևան քաղաքի Արաբկիր 37-րդ փողոցում հեղեղատարը խցանվել է, անձրևաջուրը լցվել է փողոց և թիվ 10 տուն. անհրաժեշտ է օգնություն:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ հեղեղատարը խցանվել է, անձրևաջուրը լցվել է փողոցում առաջացած փոսը (մոտ 300 քմ մակերեսով), ինչը խանգարում է բնակիչների տեղաշարժին:

Փրկարարները տներից մեկի բնակչին օգնել են մոտենալ իր տանը և բացել հեղեղատարի խցանումը: