Խոշոր ու շղթայական ավտովթար Երևանում. կա 4 վիրավոր

Այսօր՝ ապրիլի 13-ին, խոշոր ու շղթայական ավտովթար է տեղի ունեցել Երևանում։ Ժամը 11։30-ի սահմաններում Ազատամարտիկների և Նոր Արեշ 3-րդ փողոցի խաչմերուկում բախվել են Nissan Tiida մակնիշի 35 RM 853 համարանիշի, ВАЗ 2109 մակնիշի 35 ԼG 421 համարանիշի, ВАЗ 2121 մակնիշի 03 ТТ 637 համարանիշի և Ford Transit 23 ՕՕ 289 համարանիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 4 հոգի մարմնական վնասվածքներով տեղափոխվել են «Էրեբունի» բժշկական կենտրոն։ Օպերատիվորեն դեպքի վայր են ժամանել ճանապարհային ոստիկանության 1-ին սպայական գումարտակի 2-րդ դասակի ծառայողները՝ տեսուչ Կարեն Խաչատրյանի գլխավորությամբ։ Օպերատիվորեն ժամանել են նաև ապահովագրական ընկերության ներկայացուցիչները։ 

Մանրամասն՝ ԱՅՍՏԵՂ