Strangers in the night երգի հեղինակ Ավո Ուվեզյանը Հայաստան այցելելու ցանկություն ունի
ՄՇԱԿՈՒՅԹ
Հպարտ եմ, որ հայ եմ, ես, իրոք, հպարտ եմ»,-այս մասին իր ծննդյան 90-ամյակին նվիրված միջոցառման ժամանակ հայտարարել է Strangers in the night երգի հեղինակ, աշխարհահռչակ AVO ֆիրմայի սիգարների ստեղծող Ավո Ուվեզյանը:
Երգիչ Արման Հովհաննիսյանը ֆեյսբուքյան իր էջում տեղադրել է տեսանյութ և գրել, որ օրերս մասնակցել է Ուզենյանի ծննդյան 90-ամյակին նվիրված արարողությանը, որտեղ էլ վերջինս հայտարարել է նաև այն մասին, որ պետք է անպայման այցելի Հայաստան:
Նշենք, որ ՀՀ վարչապետ Հովիկ Աբրահամյանը մեդալով է պարգևատրել Ավո Ուվեզյանին` երաժշտության և բիզնեսի ոլորտում ունեցած բացառիկ ներդրման համար:
