Նաչալովային ՌԴ վաստակավոր արտիստի կոչում չի շնորհվի

Երգչուհի Յուլիա Նաչալովային հետմահու ՌԴ վաստակավոր արտիստուհու կոչում չի շնորհվի։ «Գազետա.ռու»-ի փոխանցմամբ՝ այս մասին «Ինստագրամ»-ի իր էջում հայտնել է նրա PR-տնօրեն Աննա Իսաևան։

«Ցավոք, նոր պարզվեց՝ օրենքով հետմահու չի նախատեսվում։ Այ այսպես»,- հայտարարել է նա։

Ավելի վաղ սոցցանցում խնդրագիր էր ներկայացվել՝ որով կոչ էին անում Նաչալովային հետմահու կոչում տալ։ Լուրը հաղորդելու պահին այն 4 666 մարդ էր ստորագրել։

Հիշեցնենք, որ 39-ամյա երգչուհի Յուլիա Նաչալովան մահացել է մարտի 16-ին։