Փոխարժեք՝
483.8
$
546
7.55

Ինտերակտիվ աշխատանք հեռուստադիտողների հետ. ֆեյքերի դեմ պայքարի ֆրանսիական փորձը

France 24 հեռուստաալիքի հանդիսատեսներն աշխարհի բոլոր անկյուններից կարող են ուղարկել հետաքրքիր իրադարձությունների մասին նյութեր: Հեռուստադիտողների հետ ինտերակտիվ հաղորդակցման այդ փորձի մասին պատմել է France 24 հեռուստաալիքի Info Intox հաղորդման հաղորդավար Ալեքսանդր Կապրոնը Ֆրանսիայի ԱԳՆ-ի կազմակերպած մամլո շրջագայության շրջանակներում Հայաստանից ժամանած լրագրողներին:

Սակայն, բնականաբար, ուղարկված նյութերը հաճախ կարող են պարունակել սխալ տվյալներ, լինել կեղծ կամ հնացած: Այդ պատճառով Info Intox-ի թիմն անցկացնում է նյութերի մանրակրկիտ երկաստիճան ստուգում: Որպես պարզունակ ֆեյքի օրինակ, որը համացանցում հավաքել էր մեծաքանակ դիտումներ, Ալեքսանդր Կապրոնը հիշեցնում է օդում ճախրող արմավենու տեսանյութը, որի ճյուղերի մեջ հստակ տեսանելի է պարանը, որի վրա այն «ճախրում է»:

Ստուգման առաջին փուլում թիմի անդամներն ստուգում են՝ չի հայտնվել արդյոք այդ տեղեկատվությունը, լուսանկարը կամ տեսանյութը հանրամատչելի ռեսուրսներում կամ լուրերում: Երկրորդ փուլում անցկացվում է առավել մանրակրկիտ ստուգում: Հատկանշական է, որ ստուգման հետ մեկտեղ հաղորդաշարի հաղորդավարը հեռուստադիտողներին սովորեցնում է ինքնուրույն տարբերել ֆեյքը: Հեռուստաալիքն ուղարկված նյութերի դիմաց դրամային պարգեւատրում չի նախատեսում: «Չենք ցանկանում, որ առեւտրային հետաքրքրություն առաջանա, որը կդրդի մեր հեռուստադիտողներին սենսացիաներ հետապնդել»,-պարզաբանել է Ալեքսանդր Կապրոնը:

website by Sargssyan