Հայկական արմատներ ունեցող հարուստ արքայազնը մեկ վայրկյանում աղքատ դարձա՞վ
Աշխարհի ամենահարուստ մարդկանցից մեկի՝ միլիարդատեր արքայազն Վալիդ իբն Թալալ իբն Աբդել Ազիզը մեկ միլիարդ դոլար է կորցրել Սաուդյան Արաբիայում ձերբակալվելու հետևանքով։
ԵՐԵՎԱՆ, նոյեմբերի 7 — Sputnik. Աշխարհի ամենահարուստ արքայազներից մեկի` Վալիդ իբն Թալալ իբն Աբդել Ազիզի ձերբակալությունը ոչ միայն նվազեցրել է նրա ընկերության բաժնետոմսերի արժեքը, այլ նաև մեկ միլիարդ դոլար է արժեցել, գրում է Bloomberg պարբերականը։
Արքայազնին ձերբակալել են Սաուդյան Արաբիայում ֆինանսական խարդախությունների ու իշխանությունը չարաշահելու մեղադրանքով։
«Սաուդյան Արաբիայի կենտրոնական բանկը սառեցրել է արքայազնի հաշիվները, որի հետևանքով նրա Kingdom Holding Co ընկերության բաժնետոմսերն անկում են ապրում։ Արքայազնի կարողությունը պակասել է 1,22 դոլարով», — նշված է հաղորդագրության մեջ։
Վալիդ իբն Թալալ իբն Աբդել Ազիզը ծնվել է 1955-ին Սաուդյան Արաբիայում արքայազն Թալալի և լիբանանցի Մոնա ալ Սոլհիի ընտանիքում: Ալ Վալիդ արքայազնի պապը` Սաուդյան Արաբիայի հիմնադիր և երկրի առաջին թագավոր Աբդել Ազիզ իբն Սաուդն արդեն հասուն տարիքում ամուսնացել է Հայոց ցեղասպանությունից փրկված հայ աղջկա հետ՝ Մունաիր անունով:
Մունաիրը 12 տարեկանում ներկայացվել է Իբն Սաուդին, իսկ հետագայում դարձել է նրա սիրելի կինը և 2 որդի պարգևել նրան՝ Թալալին և Նավաֆին»,-ասված է Սաուդյան Արաբիայի գծով հայտնի մասնագետ Ջոզեֆ Քեշիշյանի «Իշխանությունն ու իրավահաջորդությունը արաբական մենապետություններում» գրքում:
