«Պուտինը բացարձակ գեղեցկատես տղամարդ է, ես ամբողջ կյանքս պարտական եմ նրան». Կադիրով (տեսանյութ)
ՔԱՂԱՔԱԿԱՆՈՒԹՅՈՒՆՉեչնիայի ղեկավար Ռամզան Կադիրովը կարծում է, որ ՌԴ նախագահ Վլադիմիր Պուտինը «բացարձակ գեղեցկատես» տղամարդ է: Երկրորդ նմանը, ըստ Կադիրովի, չկա: Նա այդ մասին ասել է «Մոսկվա 24» հեռուստաալիքին տված հարցազրույցում:
«Պուտինը բացարձակ գեղեցկատես տղամարդ է... Ես պարտական եմ Վլադիմիր Վլադիմիրի Պուտինին: Նա կլինի նախագահ, թե շարքային՝ ես ամբողջ կյանքս պարտական եմ մի մարդու՝ նախագահ Վլադիմիր Պուտինին»,- ասել է Կադիրովը:
Հարցազրույցը վարող Եվգենի Դոդոլևը նշել է, որ հարցը «գողացել» է «համացանցում ամենահայտնի լրագրողից»: Ամենայն հավանականությամբ, նա նկատի է ունեցել Յուրի Դուդին, որը հաճախ է իր հյուրերին հարցնում՝ «Պուտինը գեղեցի՞կ է»:
Ի պատասխան հարցի, թե հնարավոր է Պուտինից հետո նրա իսկ խորհրդով նա զբաղեցնի ՌԴ ղեկավարի պաշտոնը, Կադիրովն ասել է. «Ո՛չ, իհարկե: Ես այդ մակարդակի մարդ չեմ»: Նա նշել է, որ ցանկանում է ավարտել ՌԴ կազմի մեջ մտնող Չեչնիայի ղեկավարի պարտականությունները:
Կադիրովը նշել է, որ պարտական է Պուտինին իր կյանքով, այդ իսկ պատճառով նրա ամեն հանձնարարություն նա կատարում է անխտիր:
«Ինձ համար Պուտինի խոսքն օրենքից էլ վեր է»,- ասել է նա:
