«Արսենալը» պայմանագիր է կնքել Adidas-ի հետ

Լոնդոնի «Արսենալը» հաջորդ մրցաշրջանում կփոխի տեխնիկական հովանավորին, հաղորդում է ակումբի մամուլի ծառայությունը։

Անգլիական ակումբն Adidas ընկերության հետ կնքել է պայմանագիր, որն ուժի մեջ կմտնի 2019 թվականի հուլիսի 1-ից։ Ավելի վաղ նշվում էր, որ «Արսենալը» տարեկան 60 միլիոն ֆունտ ստերլինգ կստանա Adidas-ից։

Հիշեցնենք, որ 2014 թվականից «Արսենալի» տեխնիկական հովանավորը Puma ընկերությունն է։ Adidas-ը լոնդոնյան ակումբի համար համազգեստ պատրաստել է 1986-1994-ը։