Արգամ Աբրահամյանն ու Կարինե Պողոսյանը, այցելելով դպրոց, շնորհավորել են դպրոցականներին սեպտեմբերի 1-ի կապակցությամբ
ՊԱՏՄՈՒԹՅԱՆ ԱՅՍ ՕՐԸ
ԱԺ «Ծառուկյան դաշինք» խմբակցության պատգամավոր Կարինե Պողոսյանը ֆեյսբուքյան իր էջում գրում է.
Սիրելի՛ աշակերտներ, հարգարժա՛ն մանկավարժներ, սրտանց շնորհավորում եմ նոր ուսումնական տարվա մեկնարկի և գիտելիքի օրվա կապակցությամբ:
Այս օրը ևս մեկ առիթ է վերագնահատելու գիտելիքի կարևորությունը թե՛ անձի զարգացման, թե՛ պետության զարգացման գործընթացում:
Սիրելի՛ աշակերտներ, միշտ հիշեք, որ հենց գիտելիքի ուժով կարող եք ամեն դժվարություն հաղթահարել և մեծ բարձունքների հասնել: Գիտելիքով զինված մարդն անպարտելի է: Գիտելիքը հենց այն հաստատուն սյունն է, որի վրա հենվում է ցանկացած պետություն:
Թող ուսումնական տարին լինի նորանոր ձեռքբերումների ու հայտնությունների, նոր նվաճումների ու նպատակների իրականացման շրջան:
