«Լոռի»-ն երկարաձգել է պայմանագրերը 10 ֆուտբոլիստի հետ
ՍՊՈՐՏՖուտբոլի Հայաստանի Բարձրագույն խմբի առաջնության 2018/19 մրցաշրջանին ընդառաջ «Լոռի»-ն 1 տարով երկարաձգել է պայմանագրերը թիմի տասը խաղացողի հետ: «Արմենպրես»-ի փոխանցմամբ, այդ մասին տեղեկացնում է ակումբի մամուլի ծառայությունը:
Վանաձորյան ակումբը երկարաձգել է պայմանագրերը թիմի ֆուտբոլիստներ Գոռ Էլյազյանի, Սամվել Հունանյանի, Վարդան Մովսիսյանի, Արման Մկրտչյանի, Ստեփան Հարությունյանի, Մուրադ Ասատրյանի, Վիգեն Ավետիսյանի, Արեգ Ազատյանի, Արամ Ադամյանի, Արտյոմ Խաչատուրովի հետ:
Նոր պայմանագրերն ուժի մեջ են մինչեւ 2019 թվականի օգոստոսի 1-ը:
