Վալդեսը մտադիր է վերադառնալ Պրեմիեր լիգա

Բելգիական «Ստանդարդի» իսպանացի դարպասապահ Վիկտոր Վալդեսը կարող է վերադառնալ Անգլիա,- տեղեկացնում է Sport.es-ը:

34-ամյա ֆուտբոլիստը, ում տրանսֆերային իրավունքները պատկանում են «Մանչեսթեր Յունայթեդին», գործակալին խնդրել է իր համար նոր թիմ գտնել: Դարպասապահը մտադիր է հանդես գալ Անգլիայի առաջնության գերակումբներից մեկում:

Ընթացիկ մրցաշրջանում նա մասնակցել է 7 հանդիպման՝ դառնալով Բելգիայի գավաթակիր: