Ինչ փոփոխություններ է տեղի ունենում օրգանիզմում դաշտանային ցիկլի ընթացքում.Աղջիկներ դուք սա պետք է անպայման իմանաք

 Դաշտանը սկսվում է 12—14 տարեկան աղջիկների մոտ, բայց այն կարող է սկսվել ավելի վաղ կամ ավելի ուշ հասակում։

Յուրաքանչյուր աղջկա մոտ սահմանվում է դաշտանի որոշակի ցիկլ։ Այն կարող է լինել 21—-24, 25—28, 29 —32 օրը մեկ։ Դաշտանի տևողությունը 3 — 6 օր է։ Առաջին 6 —12 ամիսների ընթացքում դաշտանը լինում է անկանոն։

Դաշտանի ֆունկցիան կախված է աղջկա օրգանիզմի առողջական վիճակից, անձնական հիգիենայի կանոնների պահպանումից։ Որպես կանոն, առողջ, կոփված, սպորտով զբաղվող, նորմալ սնվող աղջիկներր լավ են տանում դաշտանը։ Թույլ, հաճախ հիվանդացող, գերհոգնած, ավելորդ քաշ ունեցող աղջիկները կարող են դաշտանի ժամանակ զգալ ընդհանուր տկարություն, գլխացավ, ցավ՝ որովայնի ստորին շրջանում և գոտկատեղում։

Դաշտանի ընթացքում առողջ աղջիկն էլ կարող է զգալ թեթև տկարություն, թուլություն, բայց դա հիվանդություն չէ և պետք է ապրել սովորական ձևով։ Կարելի է և անհրաժեշտ է շարունակել ինչպես մտավոր, այնպես էլ ֆիզիկական պարապմունքները։ Կարելի է զբաղվել ֆիզկուլտուրայով։ Պետք է խուսափել միայն այն վարժություններից, որոնք պահանջում են բարձր ֆիզիկական լարվածություն (ձիավարություն, թռիչքներ, հեծանիվ վարել, ծանրություն բարձրացնել)։

Յուրաքանչյուր աղջիկ պետք է ունենա օրացույց, որտեղ նշի դաշտանի սկսվելու ժամանակը, դրա տևողությունը և արյան կորստի մոտավոր քանակը (չափավոր, առատ, սակավ)։ Չափը որոշվում է հիգիենիկ փաթեթի ծծման աստի֊ճանի և այն փոխելու հաճախականությամբ։

Դաշտանի Ժամանակ պետք է օգտվել հատուկ փաթեթներից, պետք է գնել դեղատնից (հիգիենիկ փաթեթներ)։ Փաթեթները կեղտոտվելիս պետք է փոխել օրվա ընթացքում 3 — 4 անգամ, երբեմն ավելի հաճախ)։

Սուր համեմունքների (պղպեղ, մանանեխ, ծովաբողկ) օգտագործումը նպաստում է դաշտանային արյունահոսության ուժեղացմանը։ Միզապարկի և աղիների անկանոն գործելու հետևանքով կարող է առաջանալ արգանդի թեքում, արյու֊նահոսության խախտում և ուժեղ ցավեր։

Մի քանի խոսք հագուստի մասին։ 

Ամռանը դաշտանի ժամանակ պետք է հագնել կիպ կիսավարտիք, ձմռանը՝ տաք կիսավարտիք կամ զուգագուլպա և տաք կոշիկներ։

Դաշտանային ժամանակաշրջանների միջև արտաքին սե֊ռական օրգաններից կարող է երևալ անգույն լորձային ար֊տադրություն՝ սպիտակաթորանք։ Դրանց քանակը տարբեր է լինում։ Սովորաբար դրանք անհանգստություն չեն պատճառում, եթե աղջիկն ամեն օր հետևում է իր մաքրությանը։ Հակառակ դեպքում արտադրությունը, չորանալով մաշկի վրա, կարող Է քայքայվել, առաջացնելով տհաճ հոտ։

Դաշտանի կարգավորումը վկայում Է սեռական հասունացման մասին, սակայն օրգանիզմի լրիվ հասունացումը կա֊տարվում է ավելի ուշ։