Հայտնի են «Դեպի Եվրատեսիլ»-ի մրցութային երգերը...

lraber.info-ն գրում է...

«Դեպի Եվրատեսիլ 2018»-ի մասնակիցների մրցութային երգերի պրեմիերաները կկայանան առաջիկա օրերին։ Առաջին ալիքը հայտնել է, թե որ երգիչը որ օրն է ներկայացնելու երգի պրեմիերան։ Հաջորդ շաբաթ 4 օր շարունակ 5-ական երգիչ կներկայացնեն իրենց «եվրատեսիլյան» երգերը։

Այսպիսով` հունվարի 15 –ին կկայանան Ամալյա Մարգարյանի, Հայկ Կասպարովի, «Նեմրա»–ի,  Թամար Կապրելիանի և Սուրեն Պողոսյանի, հունվարի 16–ին` Սևակ Խանաղյանի, Կամիլի (Արսեն Գրիգորյան), Անգելի, «Ալտերնատիվ»–ի և Տյոմի, հունվարի 17–ին` Մհերի, Արման Մեսրոպյանի, Հասմիկ Շիրոյանի, Ժաննա Դավթյանի և Գևորգ Հարությունյանի, հունվարի 18-ին` Ռոբերտ Քոլոյանի, Մարիա Սիքրեթի, Լուսինե Մարդանյանի, Մարիամ Պետրոսյանի և «Գաթա բենդ»–ի երգերի պրեմիերաները։

«Դեպի Եվրատեսիլ» նախագծի նոր եթերաշրջանը բաղկացած կլինի 3 փուլից՝ նախընտրական, կիսաեզրափակիչ եւ եզրափակիչ, որոնք Առաջին ալիքի եթերում կհեռարձակվեն փետրվարի 3-ից։ Մրցույթի հաղթողին կորոշեն հեռուստադիտողները և միջազգային փորձագետներից կազմված ժյուրին ՝ ձայների 50/50 հարաբերակցությամբ։