Ավարտին է մոտենում կակաչների սոխուկների տունկը

Նոյեմբերի 15-ից մայրաքաղաքի վարչական շրջաններում ընթանում է կակաչների սոխուկների տունկը: Հոլանդիայից ներկրվել է կակաչի շուրջ 530000 սոխուկ, որոնք դեռ նախորդ տարվանից պահեստավորված շուրջ 220000-ի հետ միասին տեղ են գտնում երևանյան այգիներում, պուրակներում ու մայթերին հարակից ծաղկային տարածքներում: 

Մինչ այդ կազմակերպվել էին հին ծաղկասածիլների տեղահանման աշխատանքները: Կակաչների սոխուկների տունկը կավարտվի մոտ օրերս:
Կակաչները գարնանը մայրաքաղաքում բացվող առաջին ծաղիկները կլինեն: