Թուրքական «Ինջիրլիք» ավիաբազայի տարածքում ԱՄՆ-ի շուրջ 50 միջուկային մարտագլխիկ է տեղակայված

Թուրքիայի «Ինջիրլիք» ավիաբազայի տարածքում ԱՄՆ-ի շուրջ 50 միջուկային մարտագլխիկ է տեղակայված, այս մասին տեղեկացնում է թուրքական «Միլլիյեթ» պարբերականը:

Նշվում է, որ ընդհանուր առմամբ ՆԱՏՕ-ի անդամ 5 երկրում գտնվում է 150 միջուկային մարտագլխիկ:

Թուրքիայի խորհրդարանի ներկայացրած զեկույցում նշվում է, որ բազայի տարածքում հիմնականում գտնվում են B61 ռումբի միջուկային մարտագլխիկներ: 3.53 մետր երկարություն և մոտ 320 կգ քաշ ունեցող այս ռումբերը համարվում են ամերիկյան ռազմավարական զինատեսակներից մեկը:

Զեկույցում նաև նշվում է, որ աշխարհում գոյություն ունեցող միջուկային զենքի զգալի մասը՝ 93 տոկոսը, գտնվում է ԱՄՆ-ի ու Ռուսաստանի մոտ:

2017 թվականի հուլիսի դրությամբ աշխարհի 14 երկրի ավելի քան 107 ավիաբազաների տարածքում առկա է միջուկային զենք: