Մեքսիկայում հանցագործները խաղի ժամանակ գնդակահարել են ֆուտբոլիստներին
ՄԻՋԱԶԳԱՅԻՆՄեքսիկական Գերերո նահանգում առնվազն 2 մարդ է զոհվել ֆուտբոլի սիրողական թիմերի հանդիպման ժամանակ, հայտնում է ria.ru-ն՝ մանրամասնելով, որ զինված անձանց խումբը ֆուտբոլիստների ուղղությամբ կրակ է բացել մարզադաշտում:
Միջադեպի հետևանքով վնասվածքներ է ստացել 3 մարդ, որից 2-ն ավելի ուշ մահացել են: Երրորդ անձի վիճակը շարունակում է ծայրահեղ ծանր մնալ:
Աղբյուրը նկատում է, որ Գերերո նահանգը հանցավորության տեսանկյունից ամենավտանգավորներից է Մեքսիկայում: Դա պայմանավորված է այն փաստով, որ նահանգը դեպի ԱՄՆ թմրանյութ տեղափոխելու ճանապարհին տարանցիկ գոտի է, որտեղ իրենց վերահսկողությունն են ցանկանում հաստատել տարբեր խմբավորումներ: