Գերմանական բանակում առաջին անգամ տրանսգենդեր հրամանատար է հայտնվել

Գերմանիայի պաշտպանության նախարարությունն առաջին անգամ տրանսգենդերի է նշանակել գումարտակի հրամանատարի պաշտոնում, գրում են եվրոպական լրատվամիջոցները:

Փոխգնդապետ Անաստասիա Բիֆանգին նշանակել են Շտորկով քաղաքում կապի և ապահովման 381-րդ գումարտակի հրամանատար, որի անձնակազմը 750-հոգանոց է:

Բիֆանգը խոստովանել է, որ ողջ կյանքում ինչ-որ անլիարժեքություն է զգացել, սակայն մինչ 40 տարեկանը համակերպվել է դրան: Հետո արդեն պատկառելի տարիքում որոշել է հորմոնալ թերապիայի կուրս անցնել և  այժմ իրեն կին է համարում: