Փոխարժեք՝
479.8
$
545
8.09

Մինչ կառավարությունը պարծենում է ձեռքբերումներով, տնտեսական աճի տեմպերը սկսել են նվազել. «Ժողովուրդ»

«Ժողովուրդ» թերթը գրում է. «Մինչ կառավարությունը փորձում է պարծենալ իր ձեռքբերումներով, տնտեսական աճի տեմպերը սկսել են նվազել, այն էլ բավական նկատելի տեմպերով:

ՀՀ ազգային վիճակագրական ծառայությունը հրապարակել է հունվար-օգոստոս ամիսների սոցիալ-տնտեսական վիճակը բնութագրող ամփոփ տվյալները, ըստ որի՝ տնտեսական ակտիվության ցուցանիշն օգոստոսին կազմել է 5.5 տոկոս, մինչդեռ հուլիսին 6.2 տոկոս էր:

Միաժամանակ դանդաղել են արդյունաբերական արտադրանքի աճի տեմպերը. արդեն օգոստոսին, հուլիսի համեմատ, այստեղ 0.9 տոկոս անկում է գրանցվել: Էլեկտրաէներգիայի արտադրությունն օգոստոսին, նախորդ ամսվա համեմատ, նվազել է 9.2 տոկոսով, առևտրաշրջանառությունը՝ 2.2 տոկոսով: Հունվար-օգոստոս ամիսներին շարունակվել է գյուղատնտեսական արտադրանքի ծավալների և շինարարության ոլորտի անկումը՝ համապատասխանաբար 9.4 և 8 տոկոսով: Կարճ ասած, սկսվել է հետընթացը»:

Մանրամասն՝ թերթի այսօրվա համարում:

loading...
website by Sargssyan