Մեքսիկայի ափերին 8 մագնիտուդ ուժգնությամբ երկրաշարժ է տեղի ունեցել, հայտարարվել է ցունամիի վտանգ

Մեքսիկայի ափերին գրանցվել է ուժգին երկրաշարժ, որի հզորությունը կազմել է 8 մագնիտուդ։ Այդ մասին հայտնել է ԱՄՆ-ի Երկրաբանական ծառայությունը։

Ստորգետնա ցնցումների էպիկենտրոնը գտնվել է Պիխիխյապան քաղաքից 96 կմ դեպի հարավ-արևելք ընկած հատվածում, հիպոկենտրոնը՝ 35 կմ խորության վրա։

Ավերածությունների ու տուժածների մասին տեղեկություններ չեն հաղորդվում։ Երկրաշարժից հետո հայտարարվել է ցունամիի վտանգ։

«Հնարավոր է հզոր ալիքներ բարձրանան»,-ասված է Ցունամիի խաղաղօվկիանոսյան կենտրոնի տարածած հայտարարության մեջ։