ԱՄՆ-ում ավտոմեքենան մխրճվել է մարդկանց բազմության մեջ. տուժածների մեջ երեխաներ կան

ԱՄՆ-ի Փենսիլվանիա նահանգի Մաունթին բնակավայրում ավտոմեքենան վրաերթի է ենթարկել մայթին կանգնած մի խումբ մարդկանց։

Այդ մասին հաղորդում է Associated Press-ը։ Ըստ տեղեկությունների՝ ավտոմեքենան ընթանում էր հանդիպակաց գոտիով, երբ փոխել է ուղղությունը և հարվածել մայթին կանգնած մարդկանց։

Վրաերթի են ենթարկվել 1 ընտանիքի 7 անդամներ, որոնց ծանր վիճակում տեղափոխել են հիվանդանոց։ Տուժածներից 5-ը երեխաներ են։

Նշվում է, որ վարորդը եղել է միջին տարիքի կին։ Ոստիկանությունը հետաքննում է դեպքը։