Իրանը կշարունակի իր հրթիռային ծրագիրը. նախարար

Իրանի պաշտպանության նորանշանակ նախարար Ամիր Խաթամին հայտարարել է, որ Թեհրանը հավատարիմ կմնա իր հրթիռային ծրագրին ու կշարունակի զարգացնել այն, հայտնում է IRNA գործակալությունը։

Նախարարը հայտարարությունն արել է նախարարների կաբինետի առաջին նիստի ժամանակ։

«Մենք հստակորեն ենք շարունակելու հրթիռային արդյունաբերությունը և ոչ մի օր այն չենք դադարեցնելու»,-ասել է նախարարը՝ պատասխանելով լրագրողների հարցին, թե արդյո՞ք Թեհրանը կարող է զիջել միջազգային ճնշումներին։

Ա վաղ Իրանի կառավարությունը հավանություն էր տվել իր պատասխան ամերիկյան պատժամիջոցների՝ սեփական հրթիռային ծրագրի մշակման համար 500 մլն դոլարի ներդրում կատարելու մասին օրինագծին։