Մակրոնն ու Էրդողանը հեռախոսազրույց են ունեցել Թուրքիայում կալանավորված ֆրանսիացի լրագրողի թեմայով

Ֆրանսիայի նախագահ Էմանուել Մակրոնը զանգահարել է Թուրքիայի նախագահ Ռեջեփ Թայիփ Էրդողանին և իր մտահոգությունը հայտնել Թուրքիայի տարածքում կալանքի տակ պահվող ֆրանսիացի լրագրող Լուպ Բուրոյի վերաբերյալ:

Ինչպես գրում է թուրքական demokrathaber.org կայքը, Մակրոնը հույս է հայտնել, որ ֆրանսիացի լրագրողը մոտ ապագայում կարտահանձնվի Ֆրանսիային:

Երկու նախագահները պայմանավորվածություն են ձեռք բերել այս հարցով կրկին քննարկում ունենալ մյուս շաբաթ:

Նշենք, որ լրագրող Լուպ Բուրոն ձերբակալվել էր թուրք-սիրիական սահմանին գտնվող Շըրնաք նահանգում. Թուրքիան նրան մեղադրում է երկրում ահաբեկչական հայտարարված «Քուրդիստանի աշխատավորական կուսակցություն» խմբավորմանն աջակցելու, ահաբեկչամետ քարոզչություն իրականացնելու համար: