Քաղաքապետ Տարոն Մարգարյանը հեռախոսազրույցում շնորհավորել է Ժորժ Կեպենեկյանին
ՀԱՍԱՐԱԿՈՒԹՅՈՒՆՔաղաքապետ Տարոն Մարգարյանը շնորհավորական ուղերձ է հղել Երևանի գործընկեր քաղաք Լիոնի հայազգի նորընտիր քաղաքապետ Ժորժ Կեպենեկյանին, որում մասնավորապես ասված է.
«Իմ շատ հարգելի գործընկեր,
Երևանի բնակչության և անձամբ իմ անունից ջերմորեն շնորհավորում եմ Ձեզ՝ Լիոնի քաղաքապետի պաշտոնում ընտրվելու առթիվ և Ձեր պատասխանատու բարձր պաշտոնում մաղթում եմ հաջողություն՝ ի շահ Լիոնի քաղաքացիների:
Վերջին տարիներին մեր երկու քաղաքապետարանները միասին բազմաթիվ ծրագրեր են իրականացրել, և ես բարձր եմ գնահատում Ձեր դերը Լիոն քաղաքի հետ մեր կապերի խորացման գործընթացում: Եվ, վերահաստատելով մեր երկու քաղաքների միջև առկա համագործակցային և բարեկամական կապերի ամրապնդման ու ընդլայնման հարցում իմ պատրաստակամությունը, Ձեզ հարմար ժամանակահատվածում սիրով հրավիրում եմ այցելել Երևան, ուր Դուք միշտ սպասված եք»:
Ավելի ուշ քաղաքապետ Տարոն Մարգարյանը նաև հեռախոսազրույց է ունեցել Ժորժ Կեպենեկյանի հետ, որի շրջանակում մեկ անգամ ևս շնորհավորել ու իր բարեմաղթանքներն է փոխանցել հայազգի գործընկերոջը: