Սան Ֆրանցիսկոյի օդանավակայանում դիսպետչերները կանխել են պատմության մեջ ամենախոշոր ավիաաղետը (ֆոտո)

ԱՄՆ Սան Ֆրանցիսկոյում դիսպետչերները կանխել են ավիավթարը՝ հինգ ինքնաթիռի բախում, որը կարող էր պատմության մեջ ամենախոշորը լինել: Այս մասին հայտնում է TACC-ը:

CBS հեռուստաալիքի փոխանցմամբ՝ միջադեպը, որով արդեն զբաղվում է ԱՄՆ դաշնային քաղավիացիայի վարչությունը, տեղի է ունեցել հուլիսի 7-ին:

Բանն այն է, որ Կանադական ավիաուղիների օդանավը պատրաստվել է վայրէջք կատարել այն թռիչքուղու վրա, որտեղ այդ պահին ուղևորներով 4 օդանավ է գտնվել, որոնք պատրաստվում էին թռիչքի:

Դիսպետչերները ժամանակին նկատել են Կանադական ավիաուղիների օդանավի անձնակազմի սխալը և ուղարկել օդանավը զուգահեռ թռիչքուղի, որտեղ երկրորդ փորձից վայրէջքը բարեհաջող ավարտ է ունեցել:

United Airlines ավիաուղիների ներկայացուցիչը նշել է, որ դիսպետչերները կանխել են պատմության մեջ ամենամեծ ավիաաղետը: Եթե նրանք չնկատեին անձնակազմի սխալը, ապա ամեն ինչ կարող էր վատ ավարտ ունենալ և ժամանակակից ավիացիայի պատմության մեջ ամենախոշոր ավիաաղետը տեղի կունենար: