ԻՊ-ի զինյալները հայտարարել են Աբու Բաքր ալ-Բաղդադիի մահվան մասին

«Իսլամական պետության» զինյալները հայտարարել են ահաբեկչական խմբավորման առաջնորդ Աբու Բաքր ալ-Բաղդադիի զոհվելու մասին:

Ինչպես հայտնում է TACC-ը` այս մասին հաղորդել է «Աս Սումարիա» հեռուստաալիքը՝ վկայակոչելով Իրաքի Նայնավա նահանգից աղբյուրին:

Աղբյուրի փոխանցմամբ՝ ԻՊ-ի զինյալները կարճ հայտարարություն են տարածել, որում հայտնել են իրենց առաջնորդ Աբու Բաքր ալ-Բաղդադիի մահվան մասին, ինչպես նաև նշել, որ առաջիկայում կհայտնեն նոր «խալիֆի» անունը: