ՅՈՒՆԵՍԿՕ-ն համաշխարհային ժառանգության ցանկում 6 նոր օբյեկտ է ավելացրել

ՅՈՒՆԵՍԿՕ-ի համաշխարհային ժառանգության հանձնաժողովը, որը Լեհաստանի Կրակով քաղաքում անցկացնում է 41-րդ նստաշրջանը, Համաշխարհային ժառանգության ցանկում ներառել է 6 նոր օբյեկտ, որոնք գտնվում է Ասիայում և Աֆրիկայում:

Դրանք են՝

Հնդկական Ախմադաբադ քաղաը, հիմնադրված XV դարում:

Էրիթրեայի մայրաքաղաք Ասմերան: Այս մոդեռնիստական քաղաքը ծովի մակարդակից 2000 մետր բարձրության վրա է գտնվում:

Աֆրիկյան Մբանզա-Կոնգո քաղաքի փլատակներն Անգոլայում: Մբանզա-Կոնգոն Կոնգոյի թագավորության երբեմնի հոգևոր և քաղաքական մայրաքաղաքն է եղել:

Չխոմանի ցեղախմբի մշակութային բնակատեղին Հարավ-աֆրիկյան հանրապետությունում: Այն իրենից ներակայցնում է ավազեթմբեր, որտեղ պահպանվել են մարդկային գործունեության հետքեր՝ քարե դարից մինչև մեր օրերը:

Չխոմանի ցեղախմբի բնակատեղին

Սամբորա Փրեյ Կուկ հնագիտական համալիրը (թարգմանաբար՝ «Տաճար թավ անտառում»): Կամբոջայում գտնվող այս և տասնյակ այլ տաճարները կառուցվել են VI դարում:

Կուլանգսու կղզին Չինաստանում: Նրա հուշարձաններն ու կառույցները վկայում են մշակույթների և ճարտարապետությունների եզակի համադրության մասին:

Կուլանգսու կղզին