Կանադայում անտառային հրդեհների պատճառով մարդկանց են տարհանում

Կանադայի Բրիտանական Կոլումբիա շրջանում տարհանվել է ավելի քան երեք հազար մարդ՝ անտառային հրդեհների պատճառով։

«Մենք այդ տարածքում ռազմավարական տարհանում ենք կատարել, իսկ դա նշանակում է, որ հրշեջներն անցել են դուռ առ դուռ, որպեսզի ամենակարճ ժամկետում տարհանեն մարդկանց»,- «Գազետա.ռու»-ի փոխանցմամբ՝ այս մասին ասել է հրշեջ ծառայության ներկայացուցիչը։

Նրա խոսքով՝ նահանգում չոր և շոգ եղանակը կրակի տարածման սպառնալիքը դարձնում է ծայրահեղ։

Նշվում է, որ իշխանությունները տարհանել են 3600 մարդ, որոնց տները գտնվում են Կամլուպս քաղաքից հյուսիս-արևմուտք։