Ոստիկանապետը նախարար դառնալ չի ուզում. «Հրապարակ»

«Հրապարակ» թերթը գրում է.

«Ինչպես հայտնի է, սահմանադրական փոփոխությունների արդյունքում կառավարությունում կառուցվածքային փոփոխություններ են սպասվում, կրճատվելու են նախարարությունները, վերանալու են առընթեր մարմինները։ Այս օրերին իշխանական կուլիսներում ինտենսիվ քննարկում են, թե ինչպես պետք է լուծվի ուժային կառույցների ճակատագիրը։

Քննարկվում է, որ, օրինակ, ոստիկանության համար ամենից հարմար կարգավիճակը կառավարությանը կամ վարչապետին ենթակա մարմին լինելն է, ինչը բխում է նաև Սահմանադրության 159-րդ հոդվածից։ Ոստիկանությունում չեն ցանկանում դառնալ նախարարություն, որպեսզի ոստիկանապետն ԱԺ չգնա, հաշվետու չլինի»: