Թուրքիան մտադիր է ավիակիր նավ կառուցել

Թուրքիայի նախագահ Ռեջեփ Թայիփ Էրդողանը մասնակցել է Ստամբուլում MILGEM ծրագրի չորրորդ կորվետը՝  թուրքական արտադրության հետախուզական ռազմանավը ջուրն իջեցնելու արարողությանը։

«Էրմենիհաբեր»-ի փոխանցմամբ, այդ ժամանակ Էրդողանն ասել է. «Թուրքիան ռազմանավեր նախագծող և կառուցող 10 երկրների շարքում է։ Մինչև 2023 թվականը Թուրքիան այլ երկրներից պաշտպանական արտադրանքի ներմուծման հարցում կախվածություն չպետք է ունենա: Ցանկացած ոլորտում ունենալու ենք սեփական ազգային նախագծերը։  Աստված հաջողի, ավիակիր նավ էլ ենք կառուցելու»։