ՌԴ Չելյաբինսկի շրջանում նավակի շրջվելու հետևանքով 7 հոգի ջրահեղձ է եղել. նրանց մեջ կա 4 երեխա

ՌԴ Չելյաբինսկի շրջանում՝ Մաքսիմկա լճում ջրահեղձ եղածների թիվը հասել է 7-ի: Այս մասին հայտնում է ТАСС-ը:

Աղբյուրի հաղորդմամբ՝ նախօրեին 9 հոգով բարձված նավակը Տոգուզակ գյուղի մոտակայքում գտնվող Մաքսիմկա լճում շրջվել է:

Ալյումինե նավակում գտնվող 9 հոգուց 2 երեխա կարողացել է ինքնուրույն ափ դուրս գալ:

Մոտակայքում գտնվող 2 տղամարդ փորձել են փրկել խեղդվողներին, սակայն նրանք նույնպես ջրահեղձ են եղել:

7 ջրահեղձ եղածների մեջ կա 4 երեխա՝ 2, 8, 10 և 15 տարեկան: