ԱՄՆ-ում ոստիկանը շան պատճառով գնդակահարել է 17-ամյա տղայի (ֆոտո)

Դեպքը տեղի է ունեցել Լոս Անջելեսի շրջանում։ CBS Los Angeles-ի փոխանցմամբ՝ ոստիկանության աշխատակիցը հրազենային կրակոցով պատահաբար սպանել է 17-ամյա Արմանդո Գարսիային։

Հեռուստաալիքի տվյալներով՝ ոստիկանության աշխատակիցներն այս գիշեր, տեղի ժամանակով ժամը 03։30-ի սահմաններում որոշել են ստուգում անցկացնել բնակելի տանը, որտեղ երեկույթ էր անցկացվում, սակայն տանտերերի շունը բակում կծել է ոստիկաններից մեկի ոտքը։

Մյուս ոստիկանները սկսել են կրակել և այդ պահին տնից դուրս եկող պատանուն էլ դիպել է փամփուշտներից մեկը։