Նավթի համաշխարհային գները տատանվում են

Լոնդոնի և Նյու Յորքի առևտրի էլեկտրոնային բորսաներում նավթի գների աճ է արձանագրվել, ինչը վկայում են առևտրի տվյալները։

Ինչպես փոխանցում է gazeta.ru-ն, Լոնդոնի Ice Futures բորսայում Brent նավթի օգոստոսյան ֆյուչերսների արժեքը բարձրացել է 0.09 տոկոսով և 1 բարելի դիմաց կազմել 46.97 ԱՄՆ դոլար։

Նույն ժամանակահատվածում Նյու Յորքի Nymex բորսայում WTI տեսակի նավթի օգոստոսյան ֆյուչերսների արժեքը բարձրացել է 0,05 տոկոսով՝ 1 բարելի դիմաց կազմելով 44.45 ԱՄն դոլար։

Վերլուծաբանները նշում են, որ ԱՄՆ-ում նավթի պաշարների գերավելցուկ է գրանցվել, ինչն էլ հանգեցրել է շուկայի ծանրաբեռնվածությանը, ինչն էլ պատճառ է դառնում նավթի գնի անկման։