Ռուսաստանը նոր դեսպան ունի Թուրքիայում

Ռուսաստանի Դաշնության նախագահ Վլադիմիր Պուտինը Թուրքիայում ՌԴ արտակարգ և լիազոր դեսպան է նշանակել Ալեքսեյ Երխովին։ Այդ մասին հայտնում է Ria Novosti-ն։

Համապատասխան հրամանագիրը հրապարակվել է ՌԴ իրավական տեղեկատվության պորտալում։ Այս տարվա մայիսին Պետդումայի՝ միջազգային գործերով հանձնաժողովը հավանություն էր տվել Երխովի թեկնածությանը։

Մինչ այդ Երխովը զբաղեցնում էր ՌԴ ԱԳՆ արտակարգ ու ճգնաժամային իրավիճակների վարչության ղեկավարի պաշտոնը, իսկ մինչ այդ մի քանի տարի եղել է Ստամբուլում ՌԴ գլխավոր հյուպատոսը։