Լոնդոնում արգելել են վարձով բնակարաններ տրամադրել
ՄԻՋԱԶԳԱՅԻՆ
Լոնդոնի թաղամասերից մեկում՝ հարավարևելյան շրջանում արգելել են կարճ ժամանակով վարձով բնակարաններ տրամադրել:
«Լենտա.ռու»-ի փոխանցմամբ, Պեկհեմ թաղամասի իշխանությունները կարծում են, որ այդպիսով կարող են նվազեցնել զբոսաշրջիկների հոսքը: Նրանք բացատրել են, որ զբոսաշրջիկների թվի աճը բացասաբար է ազդում տեղի բնակիչների վրա:
Նրանց արգելվում է բնակարանները վարձակալության հանձնել ինտերնետային մի շարք ծառայությունների միջոցով: Դրան չհետևողները կկանգնեն դատարանի առաջ:
Աղբյուրը հիշեցնում է, որ այս տարվա մարտի վերջին Իսպանական Պալմա դե Մալյորկա քաղաքում էլ արգելել են ճանապարհորդներին բնակարան տրամադրել: Բնակարան վարձով տրամադրելու համար քաղաքի բնակիչները կարող են տուգանվել 40 հազար եվրոյով:
