Ռուսաստանը Բարենցի ծովում 4 արհեստական կղզիներ կստեղծի

Ռուսաստանի Դաշնության վարչապետ Դմիտրի Մեդվեդևը որոշում է ստորագրել, համաձայն որի՝ Բարենցի ծովի Կոլսկի ծոցում կստեղծվեն 4 արհեստական կղզիներ։

Ինչպես տեղեկացնում է gazeta.ru-ն, համապատասխան որոշումը տեղադրված է ՌԴ կառավարության կայքում։ Կկառուցվի կենտրոն՝ բնական գազի արտադրության ու պահպանման ծովային համալիրների պատրաստման, ինչպես նաեւ ծովային տեխնիկայի եւ սարքավորումների վերանորոգման եւ սպասարկման համար, որոնք օգտագործվում են ծովային նավթագազային հանքերի ուսումնասիրության ժամանակ:

Կայքը նշում է, որ կղզիները կստեղծվեն «Կոլայի նավաշինարան» ընկերության միջոցներով, ինչի վրա էլ կծախսվի ավելի քան 25 մլրդ ռուբլի։