ԱՄՆ-ն ևս 4000 զինվորական կուղարկի Աֆղանստան

Միացյալ Նահանգները պատրաստվում է հավելյալ 4000-անոց կոնտիգենտ ուղարկել Աֆղանստան, հաղորդում է Associated Press-ը՝ հղում անելով Սպիտակ Տանը։

Գործակալության տվյալներով՝ այդ մասին Պենտագոնը պաշտոնապես կհայտարարի հաջորդ շաբաթ։ Քայլն ուղղված է Աֆղանստանում իրավիճակը «մեռած կետից շարժելուն»։

Ավելի վաղ Պենտագոնի ղեկավար Ջեյմս Մեթթիսը հայտարարել էր, որ նախագահ Թրամփը վարչությանն է փոխանցել Աֆղանստանում ամերիկյան զորքի քանակը որոշելու լիազորությունները։ Հայտարարությունը հրապարակվել էր ԱՄՆ-ի պաշտպանության կայքում։