Լոնդոնյան խոշոր հրդեհից հետո անհետ կորածների թիվը հասել է 65-ի

Լոնդոնի Grenfell Tower երնաքերում օրեր առաջ բռնկված խոշոր հրդեհի հետևանքով անհայտ կորածների թիվը հասել է 65-ի։ Այդ մասին գրում է Sun թերթը։

Թերթը հրապարակել է նրանց անունները և այն հարկերը, որտեղ վերջիններս բնակվում էին։

Ոստիկանության վերջին տվյալների համաձայն՝ հրդեհից մահացել է 17 մարդ, հիվանդանոցներում մնում են 37-ը, որոնցից 17-ի վիճակը գնահատվում է ծանր։