Սիրիական Էլ-Մեյադինը դարձել է «Իսլամական պետության նոր մայրաքաղաքը»

«Իսլամական պետություն» ահաբեկչական խմբավորումը իր կեղծ խալիֆայության մայրաքաղաքը տեղափոխել է Դեյր-էլ-Զորի մարզ: Վեստի.ռու կայքը, հղում անելով Ասոշիեյթիդ պրեսին, գրում է, որ խմբավորման ղեկավարներից շատերը սիրիական Ռաքքայից  և իրաքյան Մոսուլից փախել են Էլ-Մեյադին:

Այդ քաղաքը գտնվում է Սիրիայի արևելքում՝ Եփրատ գետի ափին, Իրաքի հետ սահմանից ոչ շատ հեռու: Ասոշիեյթիդ պրեսի աղբյուրները կարծում են, որ Էլ-Մեյադինը կդառնա ահաբեկիչների վերջին ամրոցը, և նրանք քաղաքը կպաշտպանեն  մինչև վերջ: