Պուտինը պատմել է իր երեխաների ու թոռների մասին

Ռուսաստանի Դաշնության նախագահ Վլադիմիր Պուտինը մամուլի մեծ ասուլիսում խոսել է իր ընտանիքի մասին։ Ինչպես հաղորդում է Rosbalt-ը, Ռուսաստանի նախագահն ասել է, որ հակառակ շատերի պնդման՝ իր երեխաները և թոռներն ապրում են Ռուսաստանում։

«Չնայած բոլոր ասեկոսեներին, իմ երեխաներն ու թոռներն ապրում են Ռուսաստանում։ Թոռներս սովորական կյանքով են ապրում, իսկ աղջիկներս զբաղվում են գիտությամբ ու կրթությամբ, քաղաքականության մեջ չեն ներխուժում։ Թոռներիցս մեկն էլ արդեն մանկապարտեզ է հաճախում»,-ասել է նա։

Հավելել է, որ չի ցանկանում, որպեսզի թոռները մեծանան «արքայազնի արյունով». «Նրանց հարկավոր է սովորական շփում, ուզում եմ, որպեսզի նորմալ մարդիկ մեծանան։ Բավական է, որ ես նշեմ անուն և տարիք և անմիջապես նրանց կճանաչեն»։