Մոսկվա-Երևան ավտոբուս է վթարի ենթարկվել

Վորոնեժի մարզում վթարի է ենթարկվել Մոսկվա-Երևան ավտոբուսը: Ռուսական աղբյուրի համաձայն, վթարի հետևանքով տուժել է 3 մարդ: Վթարը տեղի է ունեցել այսօր առավոտյան՝ ժամը 8-ի սահմաններում:

Mercedes-Benz մակնիշի ավտոբուսի վարորդը կորցրել է ինքնատիրապետումը, ինչի հետևանքով ավտոբուսը դուրս է եկել երթևեկելի գոտուց ու ընկել առուն:

Տարբեր ծանրության վնասվածքներ ստացած 3 քաղաքացիներից երկուսը երեխաներ են: Տուժածներին տեղափոխել են հիվանդանոց: Հայտնի է, որ ավտոբուսում վթարի պահին եղել է 39 քաղաքացի: