Ճապոնիայում զբոսաշրջային ավտոբուսը բախվել է ավտոմեքենային (տեսանյութ)

Ճապոնիայի  Աիտի պրեֆեկտուրայում տեղի ունեցած ավտոճանապարհային պատահարի հետևանքով զոհվել է մեկ մարդ, ավելի քան 20 մարդ տուժել է:  Ռիա նովոստին, հղում անելով NHK-ին, գրում է, որ դեպքը տեղի է ունեցել այսօր առավոտյան: Նախնական տվյալներով, զբոսաշրջային ավտոբուսը, որում գտնվել է 40 ուղևոր, բախվել է ավտոմեքենային:

Տուժածները տեղափոխվել են հիվանդանոց: Նրանց կյանքին վտանգ չի սպառնում:

Վթարից հետո ավտոճանապարհի երթևեկությունը դադարեցվել է, ոստիկանությունը փորձում է պարզել վթարի պատճառը: