Մեկ այլ զինված հարձակում՝ Իրանում. կրակ են բացել Իմամ Խոմեյնիի դամբարանում. կան վիրավորներ

Իրանի խորհրդարանում քիչ առաջ կատարված զինված հարձակմանը հաջորդել է մեկ այլ հարձակում։ Այս անգամ թիրախ է դարձել մայրաքաղաք Թեհրանում գտնվող Իմամ Խոմեյնիի անվան դամբարանը։

Ինչպես հաղորդում է Tasnim գործակալությունը, անհայտ զինված անձը ներխուժել է դամբարան և սկսել հրազենից կրակ բացել այնտեղ գտնվող մարդկանց վրա։

Գործակալությունը, հղում անելով Իրանի պետական հեռուստաալիքին, հայտնում է, որ կրակոցների հետևանքով մի քանի մարդ վիրավորվել է։

Այլ մանրամասներ չեն հաղորդվում։